На першым прыпынку дзяцей чакаў Агонь. Рабяты замацавалі правілы карыстання небяспечнымі прадметамі ў хатніх умовах, называлі гэтыя прадметы, патушылі агонь і адправіліся далей ў падарожжа.
Гаспадар наступнага прыпынку запрасіў усіх у госці толькі пасля таго, як падарожнікі разгадалі загадку, героем якой быў Святлафор. Наперабой выхаванцы дапаўнялі выказванні Святлафора: “Пераходзіць дарогу можна толькі па …”, “Пры перасячэнні вуліцы, трэба паглядзець спачатку …, а потым …” і шмат іншых, а таксама з вялікай ахвотай практычна прадэманстрыравалі дзеянні. Старанні дзетвары Святлафор пахваліў, пажадаў заўсёды захоўваць правілы дарожнага руху і дазволіў пафатаграфавацца з жыхарамі краіны “Правіл дарожнага руху”.
Герой чарговага прыпынку, доктар Айбаліт не мог дачакацца сваіх гасцей, бо яму патрэбна была дапамога, ён сам не мог справіцца са сваімі хворымі, хворых на прыём было многа. Мішка касалапы параніў лапу, у зайкі кроў з носа палілася, Калабок перагрэўся на сонцы. Юныя памочнікі Айбаліта не разгубіліся, навыкамі першай дапамогі яны валодалі, толькі трэба было іх успомніць, нават ведалі як выклікаць хуткую дапамогу.
Час бег хутка, але на карце заставаўся яшчэ адзін прыпынак, дзе ніхто нас не чакаў, а назву яго трэба было самім расшыфраваць. На сталах ляжалі дыдактычныя карцінкі з сітуацымі “Як можна сябе паводзіць і як нельга”, іх трэба было правільна раскласці, аргументаваць свой выбар і адгадаць назву прыпынка. З дапамогай наводзячых пытанняў выхавальніка дзеці зразумелі, што абмяркоўваюць сітуацыі “Адзін дома” – гэта і была назва прыпынка. Заданні гульні патрабавалі шмат намаганняў ад выхаванцаў, пагэтаму фізхвілінкі “Гэта я”, “Дні тыдня”, “Добра – кепска” былі дарэчы, яны прыдавалі бадзёрасці.
Вось так, выконваючы заданні, пераадольваючы перашкоды на шляху, мы дасягнулі пастаўленай мэты: абагульнілі веды па бяспецы жыццядзейнасці, замацавалі іх на практыцы. Усе ўдзельнікі квэст-гульні атрымалі масу станоўчых эмоцый, бо заданні патрабавалі зладжанасці, спрыту, лоўкасці, хуткасці рэакцыі, вынослівасці і пачуцця спагады.