У нашай дашкольнай установе склалася добрая традыцыя. У канцы лютага, калі за акном яшчэ холадна, мы пачынае садзіць агарод. Сёлета распрацавала праект “Вясёлы агарод”, бо лічу, што праектная дзейнасць больш сучасная і цікавая форма дзейнасці. У праекце працуюць усе: дашкольнікі, выхавальнікі і бацькі.
Вырошчванне раслін на акне мае вялікае значэнне ў пазнавальным развіцці дзіцяці, выхаванні экалагічнай культуры, правільных паводзін у прыродзе, правільных і паважных адносін да працы чалавека на зямлі. Дзеці атрымліваюць першыя навыкі па вырошчванні раслін сваімі рукамі, догляду за імі, даведваюцца аб умовах вырошчвання, а таксама замацоўваюць веды аб насенні кожнай культуры. Агарод на акна садзейнічае развіццю дапытлівасці і назіральнасці ў дзяцей.
Вялікую ўвагу надаю пры пасадцы агарода яго афармленню, бо гэта садзейнічае развіццю эстэтычнага густу, уменне бачыць прыгожае і радавацца яму . У маі ўсе вырашчаныя культуры мы з дзецьмі перасаджваем на агарод на тэрыторыі дзіцячага сада і там прадаўжаем за імі даглядаць.
Вось які агарод атрымаўся ў нас у гэтым годзе.