У рамках тыдня беларускай мовы ў інтэграванай групе дзяржаўнай установы адукацыі “Навадворскі дзіцячы сад Свіслацкага раёна” было наладжана і праведзена шэраг мерапрыемстваў.
Пачаўся тыдзень з наведвання мясцовай бібліятэкі, а іменна з выставы “Беларуская скарбонка”. Нашы гарэзы з вялікім задавальненнем слухалі казачныя прыгоды, разглядвалі кнігі, гулялі. Хвілінка “Эрудыты” заставіла нашых выхаванцаў паразважаць, праявіць кемлівасць, бо трэба было да рускіх слоў падабраць беларускія адпаведнікі. Час, заняты справай прайшоў вельмі хутка, а ўражанні застануцца надоўга.

У межах тыдня (дэкады) роднай мовы з 19 па 23 лютага ва ўстанове адукацыі плануецца правядзенне акцыі “Гавары са мной па-беларуску”; тэатралізаванай пастаноўкі; кніжных выстаў, прысвечаных творчасці пісьменнікаў-юбіляраў; вусных часопісаў “Чароўныя напевы роднай мовы”; іншых мерапрыемстваў
У рамках святкавання Міжнароднага дня роднай мовы ва ўстанове адукацыі 21 лютага 2024 года педагогі, бацькі выхаванцаў і грамадскасць прымуць удзел у абласным дыктанце, прысвечаным Міжнароднаму дню роднай мовы з мэтай папулярызацыі беларускай мовы, фарміравання ва ўдзельнікаў пачуцця патрыятызму, грамадзянскасці, павагі да мовы як культурна-грамадскай з’явы.